వివాదాస్పద వ్యాఖ్యల తరువాత మోడీకి షరీఫ్ శుభాకాంక్షలు

Posted: 09/27/2014 02:50 PM IST

దాయాది దేశం పాకిస్థాన్ చేయాల్సిందంతా చేసిసి, తాపిగా తనకేం తెలియదన్నట్లు వ్యవహరిస్తోంది. పాక్ రాజకీయాల్లో సౌమ్యుడిగా పేరొందిన ఆ దేశ ప్రధాని నవాజ్ షరీప్ కూడా ఇప్పుడు అదే చేశాడు. ఐక్యరాజ్యసమితి ప్రసంగంలో భారత్ దేశంపై తనకున్న అక్కస్సును వెల్లగక్కిన ఆయన.. తీరా అంతా ముగిసాక.. భారత ప్రధాన మంత్రికి శుభాకాంక్షలు తెలుపుతున్నట్లు ప్రకటించారు. పాముతోనే పగ, తోకతో మాత్రం చుట్టరికాన్ని నిలుపుకుంటాం అన్నట్లుంది నవాజ్ షరీఫ్ వ్యవహారశైలి.
ఐక్యరాజ్య సమితి సర్వ సభ్య సమావేశంలోని తన ప్రసంగంలోభారత్ కు శాశ్వత సభ్యత్వం ఇవ్వకూడదని వివాదాస్పద వ్యాఖ్యలు చేశారు.

అంతటితో ఆగకుండా కాశ్మిర్ అంశాన్ని ప్రస్తావిస్తూ.. భారత్ దురాక్రమణలో కాశ్మీరీలు ఉన్నారన్నారు. కాశ్మీర్ సమస్య పరిష్కారం తమ దేశానికి చాలా కీలకమని తన ప్రసంగం ద్వరా ఐక్యరాజ్యసమితి సాధరణ సభలో చెప్పారు. పాక్ ప్రధాని హోదాలో ఆయన చేసిందంతా భారత్ పై విషాన్ని చిమ్మడమే. ఇందంతా చేసి గంటలు కూడా గడవక ముందే నవాజ్ షరీఫ్.. తాను భారత్ శ్రేయోభిలాషిని అన్నట్లుగా అమెరికా చేరుకున్న ప్రధాని మోడీకి శుభాకాంక్షలు తెలియజేశారు. నరేంద్రమోఃడీతో భేటీ అవుతారా..? అన్న మీడియా ప్రశ్నకు దాటవేత ధోరణిని అవలంభించిన నవాజ్ షరీప్ ఇవాళ సాయంత్రం అమెరికా నుంచి తమ దేశానికి తిరుగు పయనం కానున్నారు.

జి.మనోహర్